Kangiata Illorsua

Kangiata Illorsua julimi 2021-mi ammarpoq

UNESCO-mit nunarsuarmiunut eriagisassanngortitap isaariaata eqqaani Kangiata Illorsua immikkuullarissumik inissisimanerata piorsarsimassutsip pinngortitarsuullu pitsaassutsinik nutaanik periuseqarluni qanoq ataatsimoortinneqarsinnaaneranit periarffissiivoq. Sanaartornissap ingerlanneqarnissaa REALDANIA-mit, Namminersorlutik Oqartussanit aamma Avannaata Kommunianit aningaasaliiffigineqartoq, illussanik titartaasartoq danskiusoq Dorte Mandrup illussanik titartaasartut unammitinneqarnerini nunarsuaq tamakkerlugu illussanik titartaasartunik illuliortaatsit pillugit sakkortuumik unammillerneqarluni ajugaavoq. Ukiut marluk missaanni sananeqareerluni Kangiata Illorsua juulip ulluisa pingajuat 2021 takornariartunik siullernik isertoqarpoq.

Sermersiorneq, pinngortitarsuup eqqiluitsuutinnissaa aamma piorsarsimassutsikkut oqaluttuarisaaneq pillugit isertut pitsaasumik ilitsersuunneqartalerput, saqqummersitseriaatsit aaqqissuussat nutaaliat isiginnaarutit atorlugit takutinneqartalerlutik. Illorsuaq aaqqissuusaanikkut imminut pigisoq Greenland Visitor Center-p ataani inissisimavoq, siunertaalluni illorsuarnik visitorinik assigusunik Kalaallit Nunaanni piffinni allanik tallimanik pilersitsinissaq.

Kangiata illorsuata ammarneqarnerata malitsigissavaa Kangiata illorsuup allaffianit pulaanut paasissutissat toqqaannartumik Kangiata Illorsuanut nuunneqarnissaat. Taamaalilluni Kangiata Illorsuata allaffia pingaarnertut ingerlatsinermut-, nakkutilliinermut-, aserfallatsaaliuinermut ataqatigiissaarinernullu suliassat UNESCO-mit nunarsuarmiunut eriagisassanngortitap iluani isumagineqartalissapput.

Kangiata Illorsua pillugu paasissutissat allat periarfissallu allat pillugit atuarit uani: ILULISSAT ISFJORDSCENTER - ILULISSAT ISFJORDSCENTER (isfjordscentret.gl)

Greenland Visitor Center pillugu aamma Kalaallit Nunaanni Tikeraanik Sullissivinnut allanut pilersaarutit pillugit atuarit uani: Besøgscentre – Greenland Visitor Center