Eqqissisimatitamik nakkutilliisoq

Ilulissat Kangiani eqqissisimatitami nakkutilliisoq siulleq 2009-mi atorfinitsinneqarpoq. Taassumap Ilulissat Kangiani eqqissisimatitaq nakkutigissavaa atuisullu ilitsersuuttassallugit.

Eqqissisimatitamut orniguttartut amerliartortillugit nakkutilliinerulernissamik pisariaqartitsislersimavoq. Taamaattumik Qaasuitsup Kommuniata nakkutilliisussaq atorfinitsissimavaa ulluinnarni eqqissisimatitami angalaartartussaq.

Nakkutilliineq oqaloqatigiittarnerlu

Park ranger-ip qulakkiissavaa malittarisassat atuuttut malinneqarnissaat, atuisunik ajunnginnerpaamik attaveqarneq kiisalu eqqissisimatitap atortuisa aserfallatsaaliornissaat isumagisassallugu. Park ranger-i ukioq kaajallallugu atasartussamik atorfeqarpoq allaffeqarlunilu Ilulissat Kangiata allaffiani, aasaaneranili Kangiata eqqaaniinnerusartussaq. Ukiukkut taassuma eqqissisimatitap nunartaa annertooq qimusserluni nakkutigalugu angalaarfigisassavaa. Ukiup taarnerpaaffiani Kangiata allaffiani allaffissornikkut suliassanik aamma suleqataasassaaq. Kiisalu ranger-ip tamanut ammasunik eqqissisimatitami pisartussanik ingerlaavartumik aaqqissuisassaaq.

Aron E. Petersen Ilulissat Kangiata eqqaani ranger-itut atorfeqarpoq. Kalaallisut, tuluttut qallunaatullu oqaluttarpoq ulluinnarnilu ullukkut attavigineqarsinnaalluni mobil-ikkut +299 545262 imal. E-mail-ikkut aep@qaasuitsup.gl. Soorunami nakkutilliisoq qaqqami nammattoorulkku attaviginissaanut tikilluaqqusaavutit.