Kangerlummut assiliiartoqatigiinneq iluatsilluartoq

Ilulissani Kangia pillugu Allaffik, Google aamma Panoramio arfininngorneq 24.marts 2012 Ilulissat oqaluttuarisaaneranni siullerpaamik Kangerlummut assiliiartortitsipput/assiliinermik unammisitsipput. Ualeq seqinnarissuaq, silaannarik 30-nik assiliiumatuunik peqataasoqarluni.

Peqataasut 30-it unamminermut peqataanissamut iluatitsisimasut ullup qeqqasioqatigiinnissamut Icy Cafémi naapeqqaarput. Aamma utaqqisuniittut 11-t ilaapput. Ilulissani Kangia pillugu allaffimmiik Naja Habermann aamma Google-miit Jonas Voss assiliisaarnermut peqataasussat ilisimatitsiffigaat unammissutaasussanullu piumasaqaatit nassuiarlugit. Ullup qeqqasioreernermi peqataasut seqinnarissuarmi saqqatta tungaanukaapput ualimut naliitsuusumut assiliisaqattaarnersuaqarfiusumut. Kingorna peqataasut Icy Café-mut katersuuteqqipput, kaagisuullutik kissartumik kakaotuupput assilisatillu takutissuvissorlugit.

Kingorna peqataasut assilisatik pitsaanerit paramio.com-ip nittaassiffianut iliorarpaat arfineq pingasunik immikkoortulikkamut: Kangerluup killingani inuit, Kangerlupput, Pisoqarfik/aalaneq, iluliarsuit immikkut isikkullit, issi, aput qalipaatillu.

Iluatitsillutik ajugaanikkut gavekortinnattussat assiliinermut atortunut, katillugit kr.17.000.-tut nalilinnik, nalunaarutigineqarumaarput 2.april 2012 assillu ajugaasut nittartakkami www.kangia.gl–mi takuneqarsinnaassapput.

Google/Panoramio/www.befro.dk suleqataanerannut qujavugut aammalu eqqugassanut nerisanullu aningaasaliisunut.