Ilulissat Kangiata Ilisimatusarfissaa titartarneqangajalerpoq

Ilulissat Kangiata Ilisimatusarfissaa pilersaarutitut piviusunngulerpoq, taanna Ilulissat Kangiata paasissutissiiffissaatut napittarfissaatullu atorneqassaaq, tassa illussanik titartaasartup tusaamasarsuup Peter Zuthorip illussaq titartarumasimavaa.

Qaasuitsup Kommuniata borgmesteria Jess Svane ima oqarpoq: “Ilulissat Kangiata Ilisimatusarfissaata titartarneqarnissaanut nunarsuatsinni illussanik titartaasartut nuimanerpaartaasa ilaasa suliarinnikkusussimanera nuannaarutigeqaarput, taannaavormi angut suliassiissutinut ikittuinnarnut akuersisartoq. Peter Zuthorip suleqatigineqarneratigut illussanik titartaasartut nunarsuatsinni silarsuaannut Kalaallit Nunaat pissaaq ilutigalugulu taamaaliornerup nunatsinnut tikeraat amerlisissallugit.”

  

Peter Zumthor Ilulissat Kangianut august 2010 tikeraartoq (Ass.: Naja Habermann)

Peter Zumthor, Schweizimi inunngortoq alliartorlunilu, illussanik titartaasartut ullutsinni pingaarnerpaat ilaattut naatsorsuutigineqarpoq tusaamasaassutigalugulu “pingaarniarpallaanngitsunik” kusanartunillu titartaariaatsini. 1998-imi Carlsbergip Ill. Titartaasartunut Akissarsissutigisartagaa pissarsiaraa 2009-milu Pritzker Architecture Prize, aamma taaneqartartoq ill. titartaasartut nobel-ip akissarsissutigisartagaatut taaneqartartoq.

Sanaartugassamut aallarniisuupput Qaasuitsup Kommunia, qaammatillu uumap ingerlanerani suliffik imminut pigisoq pilersinneqarpoq, taassumallu pilersaarut ingerlatissallugu. Sanaartukkap 70 mio. Kr.uunit missaannik akeqarnissaa naatsorsuutigineqarpoq, aningaasaateqarfinniillu fond-iniit namminersortunit aningaasalersorneqassalluni. Dreyerfond-ip, Oticonfond-ip og Grosserer L.F. Fogths Fond-illu aningaasanik tapiinerisigut Peter Zumthorimik isumaqatiginninniarneq piviusunngortissimavaa.

Kaniata Ilisimatusarfissaa Ilulissat helportikuani sananeqassaaq. Naammassippallu tassani tikeraarpassuit Kangiata ilisaritinneqarnera ingerlanneqartassaaq nunarsuarmilu kingorngussatut eriagisassatut ilisimatuussutsikkut paasisat kingulliit paasissutissiissutigineqartassallutik, taaku ataanni silap pissusiisa allanngornerat. Ilutigalugu Kangiata Ilisimatusarfissaa innuttaasunut, ilisimatuunut takornarianullu napittarfiussaaq, kiisalu kangerluup siarsuup kingorngussatut aqunneqarnera tassanngaanniit ingerlanneqassalluni.

Ilulissat Kangiata Ilisimatusarfiata nutaarsiassaqartitsivia:
Suliap qanoq ingerlaneranik paasinnittoqarusuppat e-mail atorlugu Kangiamut allattoqarsinnaavoq uunga: kangia@qaasuitsup.gl .