ILISIMATUSARNEQ

Nunarsuarmi eriagisaqarfimmi Ilulissat Kangiani ukiut 150-it sinnerlugit ilisimatusartoqarsimavoq. Silap pissusaata allanngorneranik sermillu nikikkiartuaarneranik assissaqanngitsumik tamanna ilisimasaqartitsilersimavoq. 
Nunarsuarmi sermini iigartartuni Sermeq Kujalleq misissugaanerpaavoq. Sermimik iigartartumik misissuinerit nunarsuar sermit sisoornerinik paasinnikkiartornermut aalajangiisumik ilapittuuteqarsimapput.

Ilulissat Kangianik ilisimatusarnermut soqutiginninnerujussuarmik arlalinnik patsisissaqarpoq:

  • Sukkassuserujussuani pilersuinerujussuanilu pissutigalugit nunarsuarmi sermini iigartartuni Sermeq Kujalleq soqutiginarnerpaat ilagaat. 
  • Tamaani ukiorpassuarni ilisimatusarneq pissutigalugu sermeq iigartartoq Kangialu pillugit paasissutissaqarpoq ukiut 100-t sinnerlugit katersanik. 
  • Ilulissat illoqarfianut qaninnera sermeq iigartartumut kangerlummullu pisariugaanngitsumik attavissaqartarpoq. 
  • Sermersuarmit qillerinikkut katersat misissoqqissaarnerinit ilaatigut ukiut 100.000-it sinnerlugit nunarsuarmi silap pissuserisimasaanik ilisimasassanik pissarsiortoqarsinnaavoq. 
  • Silap pissusaata allanngoriartorneri siulliullutik annertunerpaamillu Issittumi malugineqartarput. Taamaattumik nunarsuarmi silap pissusaani attaveqarfinnik paasinninniarnermut Issittumi silap pissusaanik ilisimatusarnermit ilisimalikkat aalajangiisuupput.