Ilisimatusarnissamut akuersissutit

Ilisimatusarniaraanni akuersissummik qanoq pissarsisoqartarpa? 

Nunarsuarmi eriagisaqarfimmi Ilulissat Kangiani ilisimatusarnissamut nunat sullissisarfiillu tamarmik akuerineqarsinnaapput. Taamaattorli suliat aalajangersimasut ilaat Namminersorlutik Oqartussanit immikkut ittumik akuersissummik pisariaqartitsipput. Tamakku assersuutigalugit tassaapput qulimiguulinnik atugaqarnerit, mittarfiit aalajangersimasut avataanni mittarnissat, pukkitsumik timmisartorneq, ulloq unnuarlu sinnerlugit tammaarfiliorneq, piffissami sivisunerusumi atortussanik inissiinerit, kiisalu misissugassanik katersuinerit.

Ilisimatusarnissamik akuersissutit uani qinnutigineqarsinnaapput:

Nunalerinermut, Imminut Pilersornermut, Nukissiutinut Avatangiisinullu Naalakkersuisoqarfik
Indaleqqap Aqqutaa 3
Postboks 1614
3900 Nuuk

Email: PAN@nanoq.gl
Oqarasuaat.: (+299) 34 50 00
Fax: (+299) 32 52 86



Ilisimatusartunik suleqateqarneq
Nunarsuarmi eriagisaqarfimmi ilisimatusaatinut akuersissuteqartoqaraangat tamanna ilutigalugu suliniutit inernerinik nalunaarusiortoqartarnissaq pillugu piumasaqaateqartoqartarpoq. Tamatuma saniatigut Ilulissani Kangia pillugu allaffeqarfiup innuttaasunut ilisimatusarnerup inernerisai paasisitsiniutigisarpai, taamaattumillu tamaani ilisimasassarsiortut suliatik pillugit tamanut ammasunik innuttaasunik imaluunniit atuartunik ilisimatitsissutinik aaqqissuisarnissaannik kaammattortarlugit.