Illussanik titartaasartoqatigiit Ilulissat kangerluannut takusaalerput

Ilulissat inunnik arlalinnik, Ilulissat kangerluat pillugu ilisimasaqarfissamik (Isfjordscenterissamik), sanaartornermi peqataasussanit sapaatip-akunnera 43 tikeraarfigineqartussaavoq.
20. oktober 2015

Illussanik titartasarfiit arfinillit, illumik nutaamik siunnersuusiortussatut toqqakkat, aallartitaat tikeraartussaassapput. Ilulissat kangerluat pillugu ilisimasaqarfik (Isfjordscenter) Ilulissat aamma Ilulissat kangerluat pillugu ilisimasaqarfiup oqaluttuassartaannik imaqartussaassaaq kiisalu najukkamiittut takornarissallu naapittarfiattut atorneqartussaassalluni.

Illussanik titartaasartut illoqarfik aamma Ilulissat kangerluat takusassavaat aamma sermersuaq, pinngortitaq, kulturi oqaluttuarisaanerlu sukumiisumik paasisaqarfigissallugit. Pinngortitaq immikkuullarissumut tulluarnerpaaq nassaarisinnaajumallugu taamaaliussapput. Illu pinngortitamut avatangiisillu pikkunartunut attuumassuteqartoq sananeqartussaasasoq naatsorsuutigineqarpoq.

Illussanik titartaasarfiit arfinillit takkua 2016-imi aasartinnagu illu eqqortoq neqeroorutertik saqqummiutissavaat. Aasaq naappat pilersaarut piviusunngortinniagassaq toqqarneqassaaq.

Pilersaarut 2019-mi ukiakkut naammassineqareerpat Ilulissat kangerluat pillugu ilisimasaqarfiata (Isfjordscenterip), takornariatitsineq ilaatigut nukittorsartussaassavaa. Kommunip, Kalaallit Nunaanni Namminersorlutik Oqartussat aamma peqatigiiffiup Realdaniap suleqatigiillutik ilisimasaqarfik sanatittussaassavaat.